Aurkezpena

Kaixo, eta ondo etorri Elorrioko Udaleko Euskara Zerbitzuaren atalera. Jakina da gure herria betidanik izan dela euskalduna, nahiz eta, hainbat arrazoi medio, erabilera aldetik gora-behera handiak izan dituen. Euskarak oraintsu arte babes ofizialik izan ez duenez, familia barruko transmisioari esker gai izan da bizirik irauteko eta, gaur egun, ofizialtasuna onartu zaion neurrian, berreskurapen bidean, familiaren esparrua gainditu eta gizartearen beste arlo batzuetara zabaltzeko gaitasuna erakutsi du: eskola, administrazioa, komunikabideak, kultura, aisialdia, lan mundua eta abar. Bizi garen aro moderno honetan, zuk zeuk ikus eta konproba dezakezunez, euskarak teknologia berrietara egokitzen ere ikasi du.

Horregatik, Elorrioko Udalaren asmoa, beste batzuen artean, elorriarrei euskaraz bizitzeko aukerak eskaini eta zabaltzea izanik, harik eta herritarren ohiko hizkuntza euskara izatea lortu arte, zure esku jarri du euskarari eskainitako atal hau, zuk ere egiten dihardugun lanaren berri izan eta nahi dituzun ekarpenak egiteko euskararen berreskurapenean. 

Euskara eta Hezkuntza saileko zinegotzia: Jesús Arrieta Barinagarrementeria

Euskara teknikaria: Bittor Uriarte Zaldunbide

Itzultzailea: Elisabeth Mazorriaga Ormaetxea

Helbidea: Herriko Plaza (udaletxea). 48230 Elorrio

Telefonoa: 946 582 712

Posta elektronikoa: euskara@elorrio.eus 

Arloa

Baliabideak

Euskararen transmisioa

  • Eman giltza
  • Euskarazko produktuen katalogoa
  • Elorrioko euskara
  • Diru-laguntzak
  • Ondenantzak

Esteka interesgarriak

  • Geurien
  • Mapa
  • Elorrixoko berbetia
  • Beharsarea

Elotop