Informazioa

Izapide honen bidez Trakzio Mekanikoko Ibilgailuen gaineko zergaren zati proportzionala itzultzea eska daiteke.

Zerga hau ordaindu eta gero, titularrak ibilgailuaren behin betiko baja ematen duen momentutik, eta zerga-aldi berria hasi baino lehenaren arteko tarteari dagokion zergaren zati proportzionalaren itzulketa jasotzeko eskubidea du. Zerga, erregulatzen duen araudiak agintzen duenez, hilabete naturaletan proportzionalki banatzen da lehenengo eskuratzeen edo ibilgailuaren behi betiko baja kasuetan, alta edo baja egiten den datari dagokion kasua barne.

Dokumentazioa

Izapide honen hirugarren pausuan honako dokumentazioa erantsi behar da:

• Ibilgailuaren bajaren egiztapena IBIL_BAJA
• Besteak

Legezko informazioa

• Herri Administrazioen Araubide Juridikoaren eta Administrazio Prozedura Erkidearen 30/1992 Legea
• Datu Pertsonalen Babesari buruzko abenduaren 13ko 15/1999 Lege Organikoa
• Datu Pertsonalen Babesari buruzko abenduaren 13ko 15/1999 Lege Organikoa garatzen duen araudia onartzen duen Errege Dekretua
• Datu pertsonaletarako jabetza publikoko fitxategiei eta Datuak Babesteko Euskal Bulegoa sortzeari buruzko otsailaren 25eko 2/2004 Legea
• Bizkaiko Lurralde Historikoko Zergei buruzko martxoaren 10eko 2/2005 Foru Araua
• Bizkaiko Foru Aldundiaren 112/2009 Foru Dekretua, uztailaren 21ekoa, Bizkaiko Lurralde Historikoko zergen kudeaketari buruzko Araudia onesten duena
• Bizkaiko Lurralde Historikoko zerga-bilketari buruzko Araudia onesten duen abenduaren 27ko 215/2005 Foru Dekretua
• Toki Ogasunei buruzko abenduaren 16ko 9/2005 Foru Araua
• Trakzio Mekanikodun Ibilgailuen gaineko Zergari buruzko ekainaren 30eko 7/1989 Foru Araua (166 zenbakidun BAO, 1989ko uztailaren 19koa)
• TMIZ arautzen duten udal ordenantza fiskalak

Oharrak

Izapide hau hainbat kanalen bidez egin daiteke.

www.elorrio.net webgunean bitarteko telematikoak erabiliz bidera dezakezu.

Herriko Plaza, 48230 Elorrio, kokatutako udal bulegoetan ere bidera dezakezu. Bertan dagokion inprimakia bete eta «Dokumentazioa» fitxan eskatzen den dokumentuak aurkeztu beharko dira.

Zalantzarik badaukazu edo informazio gehiago eskuratu nahi baduzu, deitu Elorrioko Udaleko telefono honetara: 94 658 27 12.

Bideratze elektronikoko sistemari buruzko zalantzarik izatekotan, deitu 900 840 250 doako telefono zenbakira BiscayTIKeko Herritarrentzako Arreta Zentroarekin harremanetan jartzeko.